कांहीं न मागे कोणांसी – सार्थ तुकाराम गाथा 1581
कांहीं न मागे कोणांसी । तोचि आवडे देवासी ॥१॥
देव तयासी म्हणावें । त्याचे चरणीं लीन व्हावें ॥ध्रु.॥
भूतदया ज्याचे मनीं । त्याचे घरीं चक्रपाणी ॥२॥
नाहीं नाहीं त्यासमान । तुका म्हणे मी जमान ॥३॥
अर्थ
जो कोणत्याही प्रसंगी कोणालाही काहीच मागत नाही तो देवाला आवडतो. त्यालाच देव म्हणावे आणि त्याच्या चरणी लीन व्हावे. ज्याच्या मनामध्ये सर्व भूतमात्रांविषयी दया असते त्याच्याच घरी चक्रपाणी वास्तव्य करत असतो. तुकाराम महाराज म्हणतात, “त्याच्या समान या जगामध्ये दुसरा कोणीच नाही त्याला मी जामीनदार आहे.”
वाचा : सार्थ तुकाराम गाथा
अभंग विडिओ स्वरूपात पहा .
संत तुकाराम अँप डाउनलोड करा.
