अंतरींचें जाणां – संत तुकाराम अभंग -1667
अंतरींचें जाणां । तरि कां येऊं दिलें मना ॥१॥
तुमची करावी म्यां सेवा । आतां अव्हेरितां देवा ॥ध्रु.॥
नव्हती मोडामोडी । केली मागें तेचि घडी ॥२॥
तुका म्हणे दिला ठाव । पायीं लागों दिला भाव ॥३॥
अर्थ
देवा सर्वांच्या अंतःकरणातील तुम्ही जाणाणारे आहात मग माझ्याविषयी असा वेगळेपणा तुम्ही तुमच्या मनामध्ये का येऊ दिला? मी तुमची सेवा करावी आणि माझा तुम्ही अव्हेर का बरे करता? देवा आपल्या दोघांमध्ये सेवक व स्वामी असा भाव आहे आणि जर तुम्हाला हा भाव आवडलाच नव्हता तर तुम्ही मागेच याची मोडामोड का बरे केले नाही? तुकाराम महाराज म्हणतात देवा मी माझा भक्तिभाव तुमच्या पायाशी एक रूप केला आणि आता तुम्ही माझा अव्हेर करतात ते तुम्हाला चांगले दिसत नाही.
वाचा : सार्थ तुकाराम गाथा
अभंग विडिओ स्वरूपात पहा .
संत तुकाराम अँप डाउनलोड करा.
