घालीं भार देवा – संत तुकाराम अभंग – 1653
घालीं भार देवा । न लगे देश डोई घ्यावा ॥१॥
देह प्रारब्धा अधीन । सोसें अधिक वाढे सीण ॥ध्रु.॥
व्यवसाय निमित्त । फळ देतसे संचित ॥२॥
तुका म्हणे फिरे । भोंवडीनें दम जिरे ॥३॥
अर्थ
आपल्या योगक्षेमाचा भार देवावर घालावा त्याकरिता संपूर्ण देश आपल्या डोक्यावर घेण्याची गरज नाही. हा नरदेह प्रारब्धाच्या आधीन आहे त्यामुळे त्याचा तुम्ही जेवढा हव्यास धराल तेवढा तुम्हाला त्रास होईल. व्यवसायामध्ये किंवा कोणतेही कर्म करताना तुम्हाला जो काही लाभ होतो किंवा जे काही फळ मिळते ते केवळ निमित्त आहे परंतु त्यामागे खरे कारण संचित आहे. तुकाराम महाराज म्हणतात स्वतःभोवती गोल गोल फिरल्याने भोवंड म्हणजे चक्कर येते व तेथेच दम जिरतो.
वाचा : सार्थ तुकाराम गाथा
अभंग विडिओ स्वरूपात पहा .
संत तुकाराम अँप डाउनलोड करा.
