कोण दुजें हरी सीण – संत तुकाराम अभंग – 1639
कोण दुजें हरी सीण । शरण दीन आल्याचा ॥१॥
तुम्हांविण जगदीशा । उदार ठसा त्रिभुवनीं ॥ध्रु.॥
कोण ऐसें वारी पाप । हरी ताप जन्माचा ॥२॥
तुका म्हणे धांव घाली । कोण चाली मनाचे ॥३॥
अर्थ
हे देवा तुला शरण आलेल्या दिन जणांचे दुःख तुझ्या वाचून दुसरे कोण हरणार आहे? हे जगदीशा त्रैलोक्यामध्ये उदाराचा शिक्का तुझ्या वाचून दुसर्‍या कोणाला आहे? देवा तुझ्या वाचून पाप आणि जन्म-मरणाचा ताप दुसरे कोण हरण करणार आहे? तुकाराम महाराज म्हणतात देवा भक्तां करिता मनापेक्षा ही वेगाने धाव घेणारा तुमच्या शिवाय दुसरा कोण आहे?
वाचा : सार्थ तुकाराम गाथा
अभंग विडिओ स्वरूपात पहा .
संत तुकाराम अँप डाउनलोड करा.
