सेजेचा एकांत आगीपाशीं कळे – संत तुकाराम अभंग – 1636
सेजेचा एकांत आगीपाशीं कळे । झांकिलिया डोळे अधःपात ॥१॥
राहो अथवा मग जळो आगीमधीं । निवाड तो आधीं होऊनि गेला ॥ध्रु.॥
भेणें झडपणी नाहीं येथें दुजें । पादरधिटा ओझें हतियारें ॥२॥
तुका म्हणे मज नाहीं जो भरवसा । तोवरी सहसा निवाड तो ॥३॥
अर्थ
पतिव्रतेने पती असताना एक शय्येवर झोपले आणि पती मेल्यानंतर त्याच्या चितेवर जाताना डोळे झाकले तर असे लक्षात येते की तिचे पतीवर प्रेम कमी होते व तिचा अधःपातही होतो, मग त्या स्त्रीने पतीच्या चीतेत उडी टाकू अथवा न टाकू तिचे पती विषय किती प्रेम आहे याचा निवाडा झालेला असतो. शत्रू रणांगणावर येण्याआधीच ज्याला भय वाटते अशा फादरधिटाला आपल्या हातातील शस्त्रे देखील ओझे वाटतात. तुकाराम महाराज म्हणतात संकटाच्या वेळी त्याचे धैर्य टिकते त्याची खात्री झाल्याशिवाय त्यांच्यावर मला भरोवसा ठेवता येत नाही.
वाचा : सार्थ तुकाराम गाथा
अभंग विडिओ स्वरूपात पहा .
संत तुकाराम अँप डाउनलोड करा.
