आतां माझे नका वाणूं गुण दोष । करितों उपदेश याचा कांहीं ॥१॥
मानदंभासाठीं छळीतसें कोणा । आण या चरणां विठोबाची ॥२॥
तुका म्हणे हें तों ठावें पांडुरंगा । काय कळे जगा अंतरींचें ॥३॥
अर्थ
आता मी तुम्हाला जो काही उपदेश करत आहे त्यामध्ये तुम्ही कोणत्याही प्रकारचा गुण किंवा दोष काढू नका. मी उपदेश करताना कठोर शब्द वापरतो परंतु ते कठोर शब्द जर कोणाचा अपमान करण्यासाठी किंवा कोणाचा छळ करण्यासाठी असेल तर मला विठोबाच्या पायाची शपत आहे. माझा तसा काही उद्देश नसतो. तुकाराम महाराज म्हणतात माझ्या उपदेशांमध्ये काय हेतु आहे हे त्या पांडुरंगालाच माहित आहे जगाला माझ्या अंतरंगातील भक्तिभाव कळणारच नाही.
अभंग विडिओ स्वरूपात पहा .
संत तुकाराम अँप डाउनलोड करा.
