आतां आम्हां हेचि काम – संत तुकाराम अभंग – 655
आतां आम्हां हेचि काम । वाचे गाऊ तुझें नाम । वाहुनियां टाळी प्रेम । सुखें आनंदे नाचावें ॥१॥
अवघी जाली आराणूक । मागें पुढें सकिळक । त्रिपुटीचें दुःख । प्रारब्ध सारिलें ॥ध्रु.॥
गोदातटें निर्मळें । देव देवांचीं देवळें । संत महंत मेळें । दिवस जाय सुखाचा ॥२॥
तुका म्हणे पंढरीनाथा । आणिक नाहीं मज चिंता । योगक्षेम माथां । भार तुझ्या घातला ॥३॥
अभंग विडिओ स्वरूपात पहा .
आतां आम्हां हेचि काम – संत तुकाराम अभंग
संत तुकाराम अँप डाउनलोड करा.
