होईन भिकारी – संत तुकाराम अभंग – 350
होईन भिकारी ।
पंढरीचा वारकरी ॥१॥
हाचि माझा नेम धर्म ।
मुखी विठोबाचें नाम ॥ध्रु.॥
हेचि माझी उपासना ।
लागेन संतांच्या चरणा ॥२॥
तुका म्हणे देवा ।
हेचि माझी भोळी सेवा ॥३॥
अर्थ
हे देवा मी भिकारी होईन पण पंढरीचा वारकरी होईल.मुखाने विठोबाचे नाम घेणे हा माझा मुख्य धर्म आहे व हाच माझा नित्य नेम आहे.संतांच्या चरणांवर माझे मस्तक ठेवणे हिच माझी उपासना आहे.तुकाराम महाराज म्हणतात आणि हे देवा हिच माझी भोळी सेवा आहे.
अभंग विडिओ स्वरूपात पहा .
झाड कल्पतरू – संत तुकाराम अभंग
संत तुकाराम अँप डाउनलोड करा.
