इहलोकींचा हा देह ।
देव इच्छिताती पाहें ॥१॥
धन्य आम्ही जन्मा आलों ।
दास विठोबाचे झालों ॥ध्रु.॥
आयुष्याच्या या साधनें ।
सच्चिदानंद पदवी घेणें ॥२॥
तुका म्हणे पावठणी ।
करूं स्वर्गाची निशाणी ॥३॥
अर्थ
पृथ्वीतलावर नरदेह धारण करण्यास स्वर्गातील देवहि उत्सुक आहेत .आम्ही मात्र नरदेहाच्या प्राप्तिने धन्य झालो आणि कारण आम्ही विठोबाचे दास झालो .या नरदेहच्या प्राप्तिने भक्ती करावी व भक्तिमार्गातील सच्चिदानंद पदवी प्राप्त झाली .तुकाराम महाराज म्हणतात, या नरदेहप्राप्तीने जीवनाचे सार्थक करून आम्ही स्वर्गात जागा मिळवू .
अभंग विडिओ स्वरूपात पहा .
संत ज्ञानेश्वर अँप डाउनलोड करा.
