तुज घालोनियां पूजितों – संत तुकाराम अभंग – 1185
तुज घालोनियां पूजितों संपुटी । परि तुझ्या पोटीं चवदा भुवनें ॥१॥
तुज नाचऊनि दाखवूं कौतुक । परी रूपरेखा नाहीं तुज ॥ध्रु.॥
तुजलागीं आम्ही गात असों गीत । परी तूं अतीत शब्दाहूनि ॥२॥
तुजलागीं आह्मीं घातियेल्या माळा । परि तूं वेगळा कर्तुत्वासी ॥३॥
तुका म्हणे आतां होऊनि परिमित । माझें कांहीं हित विचारावें ॥४॥
अभंग विडिओ स्वरूपात पहा .
तुज घालोनियां पूजितों – संत तुकाराम अभंग – 1185
संत तुकाराम अँप डाउनलोड करा.
