सोंगें छंदें कांहीं । देव जोडे ऐसें नाहीं ॥१॥
सारा अवघें गाबाळ । डोळ्या आडील पडळ ॥ध्रु.॥
शुद्ध भावाविण । जो जो केला तो तो सीण ॥२॥
तुका म्हणे कळे । परि होताती अंधळे ॥३॥
अर्थ
परमार्थामध्ये कोणत्याही प्रकारचे सोंग केले तर देव प्राप्त होतो असे नाही.हे लोकांनो तुम्ही तुमच्या डोळ्यावरील अज्ञानाचे पडळ बाजूला सारा.तुम्ही शुद्ध भक्तिभावाने परमार्थ केला नाही तर तो व्यर्थ शीणच ठरेल.तुकाराम महाराज म्हणतात सर्व माहीत असूनदेखील हे लोक विचार दृष्टीने आंधळे होतात.
अभंग विडिओ स्वरूपात पहा .
संत तुकाराम अँप डाउनलोड करा.
