दिनांचा दयाळू पतितांचा पावन – संत माणकोजी बोधले अभंग
दिनांचा दयाळू पतितांचा पावन ।
सर्वसुखनिधान पांडुरंग ॥१॥
घडी घडी आठव करावा तयांचा ।
धोका कळीकाळाचा नाही त्यासी ॥२॥
पांडव जयाने रक्षीले जो हरि ।
ते नेले विवरी काढूनिया ॥३॥
प्रल्हादाचा पिता चिंतीत वोखटे ।
करितसे गोमटे वेगळाची ॥४॥
बांधोनी पाषाण सागरी लोटिला ।
तो पहा तारिला वरचेवरी ॥५॥
जैसे आणिक पतित बहु उध्दरिले ।
आठवा रे पाऊले त्यांची वेगी ॥६॥
बोधला म्हणे ऐशा देवा शरण जावे ।
भवसागर तरावे हेळामात्रे ॥७॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
दिनांचा दयाळू पतितांचा पावन – संत माणकोजी बोधले अभंग
