धन्य माझे भाग्य पूर्व पूण्ये फळासी आले – संत माणकोजी बोधले अभंग
धन्य माझे भाग्य पूर्व पूण्ये फळासी आले।
तरिच आवडले तुमचे सुख ॥१॥
ऐसे बोल वो रुखमिणी ।
बहुत दिस होत माझे मनी ॥ २॥
जे चिंतित होतो आंतकरणी ।
ते फळासी आले ॥३॥
की तुम्हासारिखा ना हो मजलागी ।
सोहोळा हा घ्यावा निज गुह्याचा ॥४॥
काय सांगो आता सुखाची आवडी ।
देखोनी मन माझे ओढी तुमच्या पायी ॥५॥
न करिता क्लेश पावले अवचिता ।
हे कृपा भगवंता केली मज ॥ ६॥
बोधला म्हणे पूर्व भाग्ये पडिली मिठी ।
आता सांगसिल गोष्टी आंतरीच्या ॥७॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.