तिहीं ताळीं हेचि हाक – संत कान्होबा अभंग – ३१
तिहीं ताळीं हेचि हाक – संत कान्होबा अभंग – ३१
तिहीं ताळीं हेचि हाक । म्हणती पांढरा स्फटिक ।
अवघा बुडविला लौकिक । सुखेंचि भीके लाविली ॥१॥
थोटा नांव शिरोमणी । नाहीं जोडा त्रिभुवनीं ।
म्हणोनि शहाणे ते कोणी । तुझे दारीं बैसतीना ॥२॥
निर्गुण निलाजिरा निनांवा । लंड झोंड कुडा देवा ।
नागवणा या नांवा । वांचुनि दुजा नाइको ॥३॥
सर्वगुणें संपन्न । कळों आलसी संपूर्ण ।
तुकयाबंधु म्हणे चरण । आतां जीवें न सोडी ॥४॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
तिहीं ताळीं हेचि हाक – संत कान्होबा अभंग – ३१
