वेद गणितां मर्यादला – संत कान्हो पाठक अभंग – ६

वेद गणितां मर्यादला ।
तरि तूं अगाध बा विठ्ठला ॥१॥
देवांचा पूर्ण वर्णन करणे वेदांच्या मर्यादेच्या बाहेर आहे. (नेती नेती)
येवढें माप कैचें थोर ।
ज्याणें उमाणे तुमचा पार ॥धृ॥
वेदही ज्यांचा महिमा मोजू शकत नाहीत तर त्याहूनही मोठे कोणचे साधन (माप) आहे ! ज्याने तुमचा पार ( पूर्ण वर्णन) करता येईल ?
शेष वर्णितां श्रमला ।
जिव्हा दुखंड होउनि ठेला ||३||
शेषनागाने त्याच्या हजार जिव्हांनी तो प्रयत्न केला पण वर्णन करता करता त्याच्या जीभा फाटून दोन भागात विभागल्या गेल्या.
म्हणौनि कान्हो पाठक उगा ।
मौनें मवी पांडुरंगा ।।४।।