दळितां कांडितां – संत जनाबाई अभंग – १३१
दळितां कांडितां ।
तुज गाईन अनंता ॥१॥
न विसंबें क्षणभरी ।
तुझें नाम गा मुरारी ॥२॥
नित्य हाचि कारभार ।
मुखीं हरि निरंतर ॥३॥
मायबाप बंधुबहिणी ।
तूं बा सखा चक्रपाणी ॥४॥
लक्ष लागलें चरणासी ।
म्हणे नामयाची दासी ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
View Comments
मी काहीही काम करीत असेल मग ते दळितां कांडण असेल पण हे अनंता मी
तुझे नामच गाईन.
हे मुरारी , क्षणभरी ही न विसंबता तुझ्या नामाचा उच्चार करेल.
आणि हे माझे एक दिवसाचे नसुन
नित्य हाच कारभार असेल की
मुखीं हरिचे नाव निरंतर घेईन.
कारण चक्रपाणी तुच मायबाप बंधुबहिण , सखा आहेस.
नामयाची दासी म्हणते हे देवा आता माझे लक्ष फक्त आणि फक्त तुझ्या चरणासी लागले आहे .