जन्मांची वेरझारी – संत चोखामेळा अभंग – ७७
जन्मांची वेरझारी – संत चोखामेळा अभंग – ७७
जन्मांची वेरझारी ।
तुम्हांविण कोण वारी ।
जाचलों संसारी ।
सोडवण करी देवराया ॥१॥
शरण शरण पंढरीराया ।
तुम्हां आलों यादवराया ।
निवारोनियां भया ।
मज तारा या सागरीं ॥२॥
तुम्हांविण माझें कोडें ।
कोण निवारी सांकडें ।
मी तों झालों असे वेडे ।
उपाय पुढें सुचेना ॥३॥
चोखा म्हणे दीनानाथा ।
आतां निवारीं हे भवव्यथा ।
म्हणोनी ठेवितसें माथा ।
चरणांवरी विठूच्या ॥४॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
जन्मांची वेरझारी – संत चोखामेळा अभंग – ७७
