Skip to content
जगामध्यें दिसे बरें – संत चोखामेळा अभंग – ७५
जगामध्यें दिसे बरें की वाईट ।
ऐसाचि बोभाट करीन देवा ॥१॥
आतां कोठवरी धरावी हे भीड ।
तुम्हीं तो उघड जाणतसां ॥२॥
ब्रीदाचा तोडर बांधलासे पायीं ।
त्रिभुवनीं ग्वाही तुमची आहे ॥३॥
चोखा म्हणे जेणें न ये उणेपण ।
तेंचि तें कारण जाणा देवा ॥४॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
जगामध्यें दिसे बरें – संत चोखामेळा अभंग – ७५
