अवघी पंढरी भुवैकुंठ – संत चोखामेळा अभंग – ३१
अवघी पंढरी भुवैकुंठ – संत चोखामेळा अभंग – ३१
अवघी पंढरी भुवैकुंठ नगरी ।
नांदतसे हरी सर्वकाळ ॥१॥
चतुर्भुज मूर्ति शंख चक्र करीं ।
पीतांबरधारी श्यामवर्ण ॥२॥
श्रीमुख शोभलें किरीट कुंडलें ।
तेंचि मिरवले चंद्र सूर्य ॥३॥
पितांबरी कांसे सोनसळा विराजे ।
सर्वांगी साजे चंदनउटी ॥४॥
मिरवलें कर दोनीं कटावरी ।
ध्यान ते त्रिपुरारि ध्यात असे ॥५॥
सनकादिक भक्त पुंडलिक मुनी ।
सुखसमाधानी सर्वकाळ ॥६॥
आनंदाचा कंद उभा विटेवरी ।
चोखा परोपरी नाचतसे ॥७॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
अवघी पंढरी भुवैकुंठ – संत चोखामेळा अभंग – ३१
