भवाचें भय न धरा – संत चोखामेळा अभंग – २४५
भवाचें भय न धरा – संत चोखामेळा अभंग – २४५
भवाचें भय न धरा मानसीं ।
चिंता अहर्निशीं रामनाम ॥१॥
मंत्र हा सोपा नलगे सायास ।
जया रात्रंदिवस सुलभ तें ॥२॥
दुर्लभ सर्वांसी न ये जो ध्यानासी ।
वेडावले ऋषि जयालागीं ॥३॥
आदिनाथ कंठीं जप हा सर्वदा ।
पवित्र हे सदा अखंड जपे ॥४॥
चोखा म्हणे येथें सर्वां अधिकर ।
उंच नीच अपार तरले नामें ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
भवाचें भय न धरा – संत चोखामेळा अभंग – २४५
