Skip to content
माझा शिण भाग – संत चोखामेळा अभंग – १३६
माझा शिण भाग अवघा हरपला ।
विठोबा देखिला विटेवरी ॥१॥
अवघ्या जन्मांचें सार्थक पैं झालें ।
समचरण देखिलें डोळेभरी ॥२॥
चंद्रभागे तीरीं नाचती वारकरी ।
विठ्ठलनाम गजरीं आनंदानें ॥३॥
दिंडया गरुड टके पताकांचे भार ।
होतो जयजयकार नामघोष ॥४॥
तो सुखसोहळा देवांसी दुर्लभ ।
आम्हां तो सुलभ चोखा म्हणे ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
माझा शिण भाग – संत चोखामेळा अभंग – १३६
