राम हीं अक्षरें सुलभ – संत चोखामेळा अभंग – १३०
राम हीं अक्षरें सुलभ – संत चोखामेळा अभंग – १३०
राम हीं अक्षरें सुलभ सोपारी ।
जपतां निर्धारीं पुरे कोड ॥१॥
मागें बहुतांसी उद्धरिलें देखा ।
ऐसें बळ आणिका नाही अंगीं ॥२॥
नामामृत पाठ घेईं कां घुटका ।
होईल सुटका संसाराची ॥३॥
नाम हेंचि सार नाम हेंचि सार ।
भवसिंधु उतार दो अक्षरीं ॥४॥
चोखा म्हणे नाम सुलभ सोपारें ।
जपावें निधरिं एका भावें ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
राम हीं अक्षरें सुलभ – संत चोखामेळा अभंग – १३०
