भवाचें भय न – संत चोखामेळा अभंग – १२४
भवाचें भय न – संत चोखामेळा अभंग – १२४
भवाचें भय न धरा मानसीं ।
चिंता अहर्निशी रामनाम ॥१॥
मंत्र हा सोपा न लगे सायास ।
जपा रात्रंदिवस सुलभ तें ॥२॥
दुर्लभ सर्वांसी न ये जो ध्यानासी ।
वेडावले ऋषि जयालागीं ॥३॥
आदिनाथ कंठी जप हा सर्वंदा ।
पवित्र हे सदा अखंड जपे ॥४॥
चोखा म्हणे येथें सर्वांधिकार ।
उंच नीच अपार तरले नामें ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
भवाचें भय न – संत चोखामेळा अभंग – १२४
