ज्या सुखाकारणें योगी – संत चोखामेळा अभंग – १२
ज्या सुखाकारणें योगी – संत चोखामेळा अभंग – १२
ज्या सुखाकारणें योगी शिणताती ।
परी नव्हे प्राप्ती तयांलागी ॥१॥
तें प्रेमभावें पुंडलिका वोळलें ।
उघडेंचि आलें पंढरीये ॥२॥
कर ठेवोनी कटीं उभा पाठीमागें ।
भक्ताचिया पांगे बैसेचि ॥३॥
युग अठ्ठावीस होऊनिया गेलें ।
नाहीं पालटलें अद्यापवरी ॥४॥
चोखा म्हणे ऐसा कृपाळु श्रीहरी ।
कीर्ति चराचरीं वानिताती ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
ज्या सुखाकारणें योगी – संत चोखामेळा अभंग – १२
