जैसा उपनिषदंचा गाभा । तैसा विटेवरी उभा ।
अंगीचिया दिव्य प्रभा । धवळिलें विश्व ॥१॥
उगवती या सुरज्या । नवरत्नें बांधू पूजा ।
मुगुटीं भाव पैं दुजा । उपमा नाहीं ॥२॥
दोन्हीं कर कटीं । पीतांबर माळ गांठी ।
माळ वैजयंती कंठीं । कौस्तुंभ झळके ॥३॥
कल्पदुम छत्राकार । तळीं त्रिभंगीं बिढार ।
मुरली वाजवी मधुर । श्रुति अनुरागें ॥४॥
वेणुचेनि गोडपणें । पवन पांगुळला तेणें ।
तोही निवे एक गुणें । अमृतधारीं ॥५॥
अहो लेणियाचे लेणें । नादसुखासी पैं उणें ।
विश्व बोधिले येणें । गोपाळवेषें ॥६॥
पुंडलिकाचेनि भावें । श्रीविठ्ठला येणें नावें ।
भानुदास म्हणे दैवें । जोडले आम्हां ॥७॥
