|| राम कृष्ण हरी ||
माऊली,
आम्ही संत साहित्य (santsahitya.in) ही वेबसाईट चालवतो. महाराष्ट्राला लाभलेला संत साहित्याचा अमूल्य वारसा डिजिटल स्वरूपात जगभर पोहोचवण्याच्या पवित्र उद्देशाने आम्ही हे कार्य करीत आहोत. या उपक्रमामध्ये संतांचे चरित्र, अभंग, हरिपाठ, ग्रंथ व इतर गद्य-पद्य स्वरूपातील साहित्य अर्थासहित समाविष्ट करून, भाविकांना वाचनासाठी खुले केले आहे.
संत तुकाराम गाथा ॲपच्या यशानंतर आम्ही अनेक संतांचे साहित्य एकाच ठिकाणी आणण्यासाठी ही वेबसाईट तयार केली आहे. एका ॲपमध्ये सर्व संत साहित्य सामावणे कठीण असल्याने वेबसाईटच्या माध्यमातून हा व्यापक प्रकल्प राबविला जात आहे. पुढील काळात महाराष्ट्राबरोबरच देशभरातील इतर भाषांतील संत साहित्यही या मंचावर समाविष्ट करण्याचा आमचा मानस आहे.
आमचे प्रयत्न:
साहित्याची पडताळणी:
नवीन साहित्य वेबसाईटवर प्रकाशित करण्यापूर्वी त्याची काळजीपूर्वक पडताळणी केली जाते. मात्र, दुर्लक्षाने काही चुका राहिल्यास, अभंगांच्या खाली असलेल्या कमेंट बॉक्सद्वारे आपण त्या आमच्यापर्यंत पोहोचवू शकता. आपण दिलेल्या अभिप्रायाच्या आधारे साहित्य बिनचूक करण्याचा आम्ही प्रामाणिक प्रयत्न करू.
कीर्तनकार/ प्रवचनकार ओळख:
आपण ह-भ-प, गायनाचार्य, हार्मोनियमवादक, मृदंगाचार्य असाल तर आपल्या कार्याची माहिती, मोबाईल नंबर, व पत्ता वेबसाईटवर समाविष्ट करण्याची सोय आम्ही केली आहे. यामुळे अध्यात्मिक क्षेत्रात कार्यरत असलेल्या व्यक्तींना अधिक संधी मिळेल आणि लोकांना संपर्क साधणे सोपे होईल.
संत साहित्याचे जतन व संवर्धन:
आमचा मुख्य उद्देश संत साहित्य बिनचूक स्वरूपात संगणकीकृत करून भावी पिढीपर्यंत पोहोचवणे हा आहे. यासाठी भाविकजन आणि जाणकारांनी त्यांच्या सूचनांद्वारे आम्हाला सहकार्य करावे, अशी विनंती आहे.
आमच्याशी संपर्क साधा:
आपण ह-भ-प नोंदणीद्वारे आपली माहिती सादर करू शकता. तसेच अभंगातील त्रुटी, कार्यक्रमाची माहिती, किंवा साहित्याविषयीचे अभिप्राय दिल्यास आम्ही ते तातडीने सुधारण्याचा प्रयत्न करू.
माऊली, आपल्या सहकार्याने संत साहित्याचा हा अमूल्य ठेवा अधिकाधिक लोकांपर्यंत पोहोचवणे शक्य होईल. या कार्यात आपली साथ आणि आशीर्वाद लाभतील, अशी अपेक्षा आहे.
आमचा पत्ता
KK Team office, first floor Chandan Banglow, Mahaveer Nagar, behind Chintamani Hospital, Balikashram road, Ahmednagar
